شعر

تصدق الضيق متضايق على شاني

تصدق الضيق متضايق على شاني قصيدة الشاعر / فهد الشهراني

تصدق ؟ الضيق متضايق على شاني
‏من ضيقته ما لقى له شي بيقوله

‏إلين ضعنا من اللي ضايق الثاني
‏و حسيت من حيرته بيطيح من طوله

‏و يوم الفرح مر من حولي .. تعداني
‏غريب مدري عن أجوائه ولا فصوله

‏شاورلي الحزن هذا عكس وجداني
‏اللي لك شهور مامريت من حوله

ما عاد افكر من الهادم من الباني
‏أنا ضحيه خمس سنين مجهوله

‏لكن مع الوقت وان كان الله احياني
‏لأطول ما يعجز الباقين عن طوله

‏واني لاخلي الفرح بيتي وعنواني
‏واصير مثل الملك في داخل الدوله

‏مليت والناس تعرفني من احزاني
‏ومليت من قولتي يا وقت محلوله

 

زر الذهاب إلى الأعلى