شعر

قصيدة كلمني

قصيدة كلمني ، كلمات : تناهيد عاشق

 

يا ليل من الهواى و الشوق كيف انّه
يسهرني يعنيني يبكيني

يا ليت القلب ينسى بس ما اظنّه
انا محتاج لي شيء ينسيني

حبيبي كيف ترضى الهم و الونه
و انا فيني من الدنيا ما يكفيني

عطيتك روحي و عمري بلا منّه
و حطيتك من العالم وسط عيني

ناظرني و شوف عيوني
كيف الشوق سوا فيها

كلمني و قل وش لوني
تكفيني لو تطريها

ما اسمعهم لو ينادوني
عالم ما يهم ارضيها

ما ابيهم و لو يبغوني
انت الدنيا باللي فيها

غيابك كل هالعالم دروا عنّه
كثر ما هي من دموعي تواسيني

انا لي قلب طيب ليتك تحنّه
تهديني و تضحك لي و ترضيني

تبسّم بسمة الغالي من السنة
و زين خاطرك خل الحزن فيني

ترى وجهك رضا و في ضحكتك جنة
و قربك يا بعد ناسي يكفيني

ناظرني و شوف عيوني
كيف الشوق سوا فيها

كلمني و قل وش لوني
تكفيني لو تطريها

ما اسمعهم لو ينادوني
عالم ما يهم ارضيها

ما ابيهم و لو يبغوني
انت الدنيا باللي فيها

 

زر الذهاب إلى الأعلى