شعر
قصيدة ليت الخيارات في الدنيا خياراتي – بيّن الوسمي
القصيدة للشاعر / بيّن السومي
ليت الخيارات في الدنيا خياراتي
وليت الهقاوي تفرّح ظن هاقيها
مسكر أذني ومقلل علاقاتي
تتساقط الناس من عيني وأخليها
مزعّل الليل ومخاوي صباحاتي
تمرني وجيه ما أحفظ أساميها
من بعد اليوم خربانه طقوساتي
أشياء ما كنت أسويها .. وأسويها
من بعدك مافيه مُلفت في انتباهاتي
تمرني أشياء ماتمشي .. وأمشيها
السجدة اللي تطول في صلاواتي
لك منها كل دعوة كنت أنا أدعيها
غبتي .. ولكن أشوفك في كتاباتي
انتي قصيدة .. تتعبني طواريها