شعر
قصيدة يا اصحابنا مكثرين الضرب والطعنا
قصيدة يا اصحابنا مكثرين الضرب والطعنا كلمات الشاعر / ناصر بن منقره
يا اصحابنا مكثرين الضرب والطعنا
وش حالكم طيبين … الله يمنعكم
ماودنا المعنى اللي مالها معنا
من شان ماودنا فيها نقاطعكم
الله هو اللي رزقنا في طبايعنا
يوم ان ربي بلاكم في طبايعكم
وبصماتنا اللي نميزها باصابعنا
وانتم صناديقكم تعرف ودايعكم
وصدوركم كانها ماعاد تاسعنا
ما اظن به دار تاسعنا وتاسعكم
النفس يا ناس شي من مزارعنا
واللي دفنتوه فيها يندفن معكم
ان زانت النفس نصف الزاد يشبعنا
وانتم من الشك حتى الضحك يوِجعكم
حنا استحينا حيا صدق وترفعنا
عن حاجتن زودت فينا مطامعكم
والله يا لولا السلوم اللي تجمعنا
انا على جالها الاقصى نرجعكم