قصيدة خلك قريب للشاعر محمد سعيدان
قصيدة خلك قريب
الشاعر / محمد سعيدان
خلك قريب لالا تغيب
انت القريب لقلبي وغيرك غريب
كافي غياب كافي عذاب
اطرد وراء حبك مثل طرد السراب
طول السنين يالعاشقين
تزود اللهفه بقلبي والحنين
زاد الهيام والله حرام
يلحقك من بعدك وحرمانك ملام
يابو العيون لا ماتهون
عندي مادام انك على روحي تمون
ليتك تشوف ياغلا الضيوف
اللي لك بقلبي على كبر الظروف
بين الضلوع جيش وجموع
من سبته عانيت من ضيق ودموع
لا ماشكيت ولا بكيت
الا على فرقا الحبيب اللي هويت
ريم(ن) لعوب منه ماتوب
ماشفت مثله فالشمال و فـ الجنوب
ماهو محال اقرب تعال
و افتح مجال الوصل يا سيد الدلال
شفت الهموم في كل يوم
ويلاه ياخلي على بعض العلوم
مادري يصير او مايصير
الله يحقق حلمٍ بقلبي كبير
انت الملاك اعشق هواك
ياللي تفردت بغلاك
مالك شريك و جيت ابيك
واكبر طموحي بين يديك
واللي يقول ابغى الحلول
الحل قربه على طول
اجمل حياه اكبر غناه
من عاش قربه مع رضاه