شعر
قصيدة أنا الآسف وأنا الغلطان – بيّن الوسمي
قصيدة أنا الآسف وأنا الغلطان – للشاعر بيّن الوسمي
أنا .. ما استاهل الحرمان
ولا هذا ترى قدري
وعذري انت .. وليته كان
ما احسك في الهوى عذري
وصايرلك فرح .. واشجان
ولو فيني الحزن بدري
كتاباتي معاك الحان
ونقاط حروفها عطري
معاك وجهي بدون ألوان
عطيتك أبيضه .. تدري
معاي ما كنت أي انسان
أشوفك من طرف : صدري
شتان من بيننا .. شتان
بكل مرة عليّ تطري
على عمري أنا ندمان
عطيتك ثلث من عمري
أنا الآسف .. وأنا الغلطان
وأنا الواجد عليك .. أدري