كلمات قصيدة صدتك
كلمات قصيدة صدتك – عبدالمجيد المطيري
تل قلبي بعد ما الفروان غنى
تلت حبال الرشا من وسط جمه
كيف أبنسى الماضي وكيف اتهنا
وجد حالي يوم أجي واروح يمه
سبعة سنين اسعد ثنين بزمنا
لين حل مفارقة والحال سمه
غروٍ بنظراته الخجله فتنا
والخصر باصابعك تقدر تضمه
وبسمتن قتاله وكفن محنا
يابري حالي ليا شمر بكمه
وعنق ريم وعود موزن لاتثنا
اشهد انه بالحلا والزين قمه
في وصوفه وش نقول اليا وصفنا
كل وصفٍ يسحر الانظار ضمه
ياحبيبي غير شوفك ماتمنى
شوفتك تجلى عن المهموم همه
قلبي اللي من سبب هجرك معنا
خطر ينشف من بعد فرقاك دمه
كل عيد اول من نعايد بعضنا
كان فيك لوصل من يغليك همه
وهذا هو العيد راح ولا وصلنا
لا اتصالٍ منك او رساله مهمه
معك امانه صك باب الهجر عنا
والوصل رحب به وحيه وضمه
صدتك منا ونار الشوق منا
كل يوم يخمني طيفك واخمه
من بعضنا ماتوقعنا زعلنا !
لين حل وحلت الفرقا المطمه
يامنى قلبي ترى حالي تدنا
ارحم المهوم من همه وغمه
عطرك اللي جاء هديه يوم كنا
كل يوم يشم جرحي يوم اشمه
والشتات اللي حصل لايمتحنا
حاول انك يانظر عيني تلمه